Endelig kunne ungdomsbedriftene frå Gudbrandsdalen møtast til eit fysisk arrangement igjen! Med Peer Gynt-senteret som møteplass fikk dei både sjansen til å møte publikum og få gode samtalar og konstruktive tilbakemeldingar frå jurymedlemmene.

Fem prisar til Fritt Vilt UB

Ungdomsbedriftene frå Nord-Gudbrandsdal vidaregåande skule og Vinstra vidaregåande skule konkurrerte i seks kategoriar. Det blei storeslem til Fritt Vilt UB som tok heile fem førsteplassar (sjå resultatliste under).

Fritt Vilt UB tilbyr lokalprodusert kraft og brukar deler av dyret som ellers ville blitt kasta. Dermed bidrar dei til redusert matsvinn og bærekraftig bruk av blant anna vilt.

Også dei andre ungdomsbedriftene hadde forretningsidear som slo godt an blant dei frammøtte: Gavekortapp, putepledd og arrangementsservice er blant ideane som unge gudbrandsdøler vil satse på.

Fylkesmesterskapet neste

31. mars arrangerer Ungt Entreprenørskap Innlandet Fylkesmesterskap for ungdomsbedrifter. Regionmesterskapet er ein nyttig øvingsarena og gir ungdomsbedriftene gode innspel til kva dei kan jobbe vidare med fram mot Fylkesmesterskapet.