Álggaheapmi
Dál galgabehtet álgit din iežadet SMART-prošeavttaiguin. SMART bokte galgabehtet bargat joavkkus ja ovttas fuobmát ideaid, hukset modeallaid ja publikummii ovdanbuktit čovdosa!
Bargobihttá A
MAID MÁHTÁT BURES?
- IEHČANASSII:
Čále 3 diŋgga maid máhtát bures, mii sáhttá leat ávkin joavkobarggus. - JOAVKKUS:
Juohkehaš muitala maid lea čállán.
Ovttasbargat joavkkus...
sáhttá leat gáibideaddji. Muhto go dan nagoda, de boađus šaddá 100% buorebut go jus akto livččii bargan.
ÁRGABEAILÁGAT
Vai joavku doaibmá bures ja buohkain lea buorre dilli, de lea jierpmálaš álggos šiehttat muhtun njuolggadusaid mat galget guoskat buohkaide. Daid gohčodit árgabeailáhkan!
Árgabeailágaid ovdamearkkat buori ovttasbarggu várás:
- Leage positiiva
- Guldal earáid
- Ovdanbuvtte iežat oaivila
- Geahččal gávdnat čovdosiid
- Rámit
Ovttasbargošiehtadusa málle oažžubehtet oahpaheaddjis!
Bargobihttá B
OVTTASBARGOŠIEHTADUS
- Šiehtadehpet unnimusat 5 árgabeailága ja čállet daid ovttasbargošiehtadussii.
- Buohkat joavkkus vuolláičállet šiehtadusa ja dainna lágiin čájehit ahte áigot čuovvut árgabeailágaid.